საქართველოს პრეზიდენტი მიხეილ სააკაშვილი ევროპარლამენტის მიერ მიღებულ რეზოლუციას „მნიშვნელოვანს" უწოდებს.
ქვეყნის პირველი პირის პოზიცია დღეს გამართულ პრესკონფერენციაზე ჟურნალისტებს მისმა პრესსპიკერმა მანანა მანჯგალაძემ გააცნო.
„ევროპარლამენტის მიერ მნიშვნელოვანი დოკუმენტი იქნა მიღებული, რომელშიც ის არა მხოლოდ აფიქსირებს საქართველოს ტერიტორიული მთლიანობისადმი მხარდაჭერას, არამედ განსაზღვრავს გარკვეულ მიმართულებებს და იძლევა რეკომენდაციებს: რეზოლუცია კიდევ ერთხელ ამახვილებს ყურადღებას 2008 წლის შეთანხმებაზე, რომ რუსეთმა უნდა შეასრულოს აღებული ვალდებულებები, მათ შორის „ცეცხლის შეწყვეტის" შესახებ და უნდა შეწყვიტოს ოკუპირებულ ტერიტორიებზე რუსული პასპორტების უკანონო დარიგება", - მიიჩნევს საქართველოს პრეზიდენტი.
შეგახსენებთ, რომ ევროპარლამენტმა საქართველოს შესახებ მორიგი რეზოლუცია რამდენიმე დღის წინ მიიღო.