ოპოზიციონერ დეპუტატს ჯონდი ბაღათურიას საქართველოს ხელისუფლების საგარეო კურსი არ მოსწონს, ამის შესახებ დღეს, ბაღათურიამ პარლამენტის პლენარულ სხდომაზე სიტყვით გამოსვლისას განაცხადა.
დეპუტატმა საპარლამენტო უმრავლესობისგან და მთავრობისგან მოითხოვა აეხსნათ, რას ნიშნავს, როცა ხელისუფლებას ერთის მხრივ ღიად პროდასავლური კურსი აქვს დეკლარირებული და ამის პარალელურად ურთიერთობები ჩრდილოეთ კავკასიის რესპუბლიკებთან და ირანთან მყარდება, ხდება ლუკაშენკოს არჩევნებისთვის მხარდაჭერის გამოცხადება და ოფიციალური ვიზიტები კუბაში ხორციელდება.
~ეს ნიშნავს იმას, რომ ქვეყანაში მოდის დიქტატურა, ლუკაშენკოს და კასტროს მხარდამჭერი რეჟიმი. ეს დიქტატურა მალე ყველას კარზე დააკაკუნებს~ - აღნიშნა ბაღათურიამ.
