საერთაშორისო სავალუტო ფონდის დირექტორთა საბჭოს თავმჯდომარის ვაკანტურ თანამდებობაზე ორი პრეტენდენტი გააგრძელებს ბრძოლას. სსფ-ს ხელმძღვანელის პოსტისთვის საფრანგეთის ფინანსთა მინისტრი კრისტიან ლაგარდი და მექსიკის ცენტრალური ბანკის ხელმძღვანელი აუგუსტინ კარსეტენსი იბრძოლებენ.
როგორც ცნობილია, საქართველო სსფ-ს ახალი ხელმძღვანელის თანამდებობაზე, საფრანგეთის ფინანსთა მინისტრს, კრისტინე ლაგარდის კანდიდატურას უჭერს მხარს, ამის შესახებ განცხადება საქართველოს ეროვნული ბანკის პრეზიდენტმა გიორგი ქადაგიძემ გააკეთა.
პროცედურების თანახმად, სსფ-ს ახალი მმართველი დირექტორის არჩევის პროცედურა 30 ივნისამდე უნდა დასრულდეს. ფონდი წარდგენილ წინადადებებს შეისწავლის და ამის შემდგომ ახალ თავმჯდომარეს აირჩევს.
კანის ერთ-ერთ ყველაზე რეალურ შემცვლელად საფრანგეთის ფინანსთა მინისტრი ფრანს კრისტინ ლაგარდი მიიჩნევა. მეორე კანდიდატადთურქეთის ყოფილი ფინანსთა მინისტრი კემალ დერვისი განიხილება, რომელსაც მსოფლიო ბანკთან თანამშრომლობის მრავალწლიანი გამოცდილება გააჩნია.
ევროპის წევრი ქვეყნების გარდა, კანდიდატის წარსადგენად ბრძოლაში დსთ-ის ქვეყნებიც ერთვება. ქვეყნები ამ თანამდებობაზე ყაზახეთის ეროვნულიბანკის პრეზიდენტის, გრიგორი მარჩენკოს კანდიდატურის წარადგენენ.
შეგახსენებთ, რომ ფონდის ყოფილმა ხელმძღვანელმა დომინიკ სტროს-კანმა თანამდებობა დატოვა, რადგანაც ის ნიუ-იორკში სასტუმროს მომსახურე პერსონალზე სექსუალური ძალადობის ბრალდების გამო დააკავეს.
