უკრაინის პრეზიდენტის ვიქტორ იანუკოვიჩის გუნდმა ყირიმის სპეციალური ავტონომიური კურსის გაქმებისკენ აიღო გეზი. ამის შესახებ უკრაინული ყოველკვირეული "დელოვაია სტრანიცა" წერს.
"გასულ კვირას პარლამენტმა პირველი მოსმენით მიიღო სამთავრობო კანონპროექტი "ყირიმის ავტონომიური რესპუბლიკის მინისტრთა კაბინეტის შესახებ". მას მხარი 257 დეპუტატმა დაუჭირა. ამ დოკუმენტის მიხედვით, ფაქტობრივად, ავტონომიის მთავრობა ადგილობრივი ხელისუფლების ორგანოების სისტემიდან გამოდის და სახელმწიფო აღმასრულებელი ვერტიკალის ნაწილი ხდება.
ამასთან, მართალია ნახევარკუნძულის პარლამენტს უტოვებენ ძირითად ნაწილს ამჟამად არსებული უფლებამოსილებებისას, მაგრამ ეს ხელს არ შეუშლის კიევს ყირიმელის ხალხის რჩეულების გარეშე ჩაატაროს ადმინისტრაციული გარდაქმნა თავისი სცენარის მიხედვით", _ ნათქვამია სტატიაში და იქვე აღნიშნულია, რომ "პირველი, რაც აშკარად თვალშისაცემია, არის ის, რომ რესპუბლიკის მთავრობას სტატუსი ეცვლება. დოკუმენტის პირველ ნაწლში მითითებულია, რომ მინისტრთა კაბინეტი არის უმაღლესი ორგანო ავტომონიის აღმასრულებელი ხელისუფლებისა. უკრაინის კუნსტიტუციის თანახმად, აღმასრულებელი ხელისუფლების სისტემას უკრაინაში წარმოადგენს მინისტრთა კაბინეტი და ადგილობრივი ადმინისტრაციები. ამასთან, ძირითად კანონში ისეთი ცნება აღმასრულებელი ხელისუფლების ორგანოსი, როგორიც არის ყირიმის ავტონომიური რესპუბლიკა, საერთოდ არ არსებობს. კანონპროექტში გაწერილი ყირიმის ავტონომიური რესპუბლიკის ფორმულირება არსებითად უტოლებს მას საოლქო ადმინისტრაციას".
იქვე მითითებულია, რომ კანონის "ყირიმის ავტონომიური რესპუბლიკის მინისტრთა კაბინეტის შესახებ" მიღება, მხოლოდ პირველი ეტაპია მასშტაბური ადმინისტრაციული რეფორმის გზაზე.
"უახლოეს მომავალში ყირიმის მთავრობის თავმჯდომარე ვასილი ჯარდი აპირებს ასევე ცვლილებების ინიცირება მოახდინოს ავტონომიური რესპუბლიკის კონსტიტუციაში, რათა სამართლებრივი კოლიზიები იქნას აღმოფხვრილი, რომლებიც წარმოიქმნება მის ნორმებსა და მომავალი კანონის მდგომარეობას შორის", _ ნათქვამია სტატიაში.
გასულ კვირას, პარლამენტში შეიქმნა სპეციალური კომისია რომელიც ყირიმის ავტონომიური რესპუბლიკის საკითხებს შეისწავლის და რესპუბლიკაში სისტემური რეორგანიზაციით დაკავდება.
