„ქართული დასის" ლიდერი ჯონდი ბაღათურია 26 მაისს, აქციის დარბევისას დაღუპული მოქალაქეების ოჯახის წევრებს სამძიმარს უცხადებს.
მისი განცხადებით, ტრაგედია, რომელიც აღნიშნულ ღამეს დატრიალდა, შიდა ოპოზიციური კინკლაობის და უპასუხისმგებლობის შედეგია. მისივე თქმით, ოპოზიციის ზოგიერთი წარმომადგენელი თავის სატელევიზიო გამოსვლებში ამ სიტუაციას საკუთარი უპირატესობის წარმოსაჩენად სამარცხვინოდ იყენებს.
"ტრაგედიაა, როცა ქართველი ქართველს უპირისპირდება. სამარცხვინოა, როცა ზოგიერთი ჩვენი კოლეგა ამ ფაქტს საკუთარი უპირატესობის დასამტკიცებლად იყენებს. დღეს ყველანი პოლიციის იმ თანამშრომლის და აქციის იმ მონაწილის ჭირისუფლები უნდა ვიყოთ, რომლებიც ამ ტრაგედიის დროს დაიღუპნენ", - განაცხადა ჯონდი ბაღათურიამ დღეს გამართულ პრესკონფერენციაზე.
