ერთდღიანმა ძლიერმა წვიმამ მცხეთის რაიონის სოფელი ჯიღაურა დააზარალა.
სტიქიამ მდინარე თეზამის ადიდება გამოიწვია, რის გამოც მან კალაპოტი იცვალა. კალაპოტიდან გადმოსულმა მდინარემ სახლების ეზოები დატბორა და ნათესები მთლიანად გაანადგურა.
დატბორილია სოფლის გზაც. სპეციალური ტექნიკით სამაშველო სამსახურები, მდინარისათვის ძველი კალაპოტის დაბრუნებას ცდილობენ. სტიქიისაგან მიყენებულ ზარალს კომისია დაადგენს.
