სახალხო კრების მიერ ძალადობრივი მოწოდებები დივერსია იყო, რომელიც კრემლში დაიგეგმა, - ამის შესახებ ჟურნალისტებს გუშინ სახალხო კრების დაშლის შეფასებისას კულტურისა და ძეგლთა დაცვის მინისტრმა ნიკა რურუამ განაცხადა.
"ეს იყო სახელმწიფოს მიმართ მოწყობილი დივერსიული აქტი, რომლის სცენარიც კრემლშია დაწერილი. ის, რაც მოხდა გუშინ პარლამენტთან იგივე მოხდებოდა პარიზშიც, ვაშინგტონშიც და რომშიც", - აღნიშნა რურუამ.
მისი თქმით, განსაკუთრებით მნიშვნელოვანია ახალგაზრდა სახელმწიფოსთვის დამოუკიდელობის 20 წლისთავის აღნიშვნა, რომელსაც ძალიან ბევრი მტერი ყავს.
"ხშირად საერთო ეროვნულ ინტერესებს ანაცვალებენ ხოლმე პირად მანიაკალურ ამბიციებს, ამიტომ გუშინ განვითარებულ მოვლენებზე მთლიანად პასუხისმგებლობა აქციის ორგანიზატორებს ეკისრებათ, რომლებმაც გაქცევისას ორი ადამიანის სიცოცხლე შეიწირეს", - განაცხადა რურუამ.
ამასთან კულტურის მინისტრმა სრულიად საქართველოს მოულოცა დამოუკიდებლობის დღე და ქვეყანას უსურვა, რომ ეს დღე 20, 50 და 150 წლის შემდეგაც აღენიშნოს.
