საზეიმო აღლუმის ფარგლებში "სუხიშვილების" მოცეკვავეები "ხორუმს" აღარ შეასრულებენ. როგორც „ჯი-ეიჩ-ენს" აცნობეს, პროგრამიდან აღნიშნული ცეკვის ამოღება პარლამენტის შენობის წინ გუშინდელი აქციის დარბევისას ორი მოქალაქის დაღუპვის გამო მოხდა.
პირველად აღლუმების ისტორიაში, ნაციონალური ბალეტის „სუხიშვილებს" უნდა შეესრულებინა ცეკვა "ხორუმი" . „ხორუმი" სუხიშვილებს საქართველოს შეიარაღებული ძალების საველე - სამხედრო ფორმებში უნდა შეესრულებინათ. ცეკვის დასასრულს ვერტმფრენიდან კანფეტი ჩამოიყებოდა და ტრიბუნების მიმდებარე ტერიტორიიდან გაეშვებოდან ჰაერში ბუშტები.
შეგახსენებთ, რომ 26 მაისს სახალხო კრების აქციის დარბევის შემდეგ დაიღუპა ორი ადამიანი. დაღუპულები არიან პოლიციელი ვლადიმერ მასურაშვილი და აქციის მონაწილე, ყოფილი პოლიციელი 54 წლის ნოდარ ცხადაძე. შსს-ის ინფორმაციით, საავადმყოფოებში 37 ადამიანი რჩება, მათ შორის ერთი ქალია, ერთი ჟურნალისტი და რვა პოლიციელი.
