საზეიმო აღლუმისას გამართული ღონისძიების ფარგლებში ქვეყნის პირველმა პირმა რუსუდან ფეტვიაშვილს, ვახტანგ მაჭავარიანს, ტარიელ ჭანტურიას, რეზო გაბრიაძეს, ოთარ ზურაბიშვილს, ნათელა ჟორდანიას, რეჯებ ჟორდანიას, თამარ ჩხენკელს, გოგიტა ვაშაძეს, დავით საყვარელიძეს, დავით ლორთქიფანიძეს, არვედას საბონისს, თამარ კვესიტაძეს, მამუკა გვარამიასა და გენადი ქაჩიბაიას ბრწყინვალების ორდენები გადასცა.
რაც შეეხება სამხედრო პირებს, ვახტანგ გორგასლის მე-3 ხარისხის ორდენით ჯილდოვდნენ კაპრალი ილია სადღობელაშვილი, უფროსი ლეიტენანტი თენგიზ ცირდავა და მაიორი სლავა კუთხაშვილი.
აღლუმი რუსთაველის გამზირზე ამ წუთებშიც მიმდინარეობს. მას საქართველოს შეიარაღებული ძალების გაერთიანებული შტაბის უფროსი, გენერალ მაიორი დევი ჭანკოტაძე ხელმძღვანელობს.
პირველად, აღლუმების ისტორიაში, საზეიმო ცერემონიალის ფარგლებში თავდაცვის ეროვნული აკადემიის 94-მა კურსადამთავრებულებმა, რომელთა შორის ერთი ქალი იყო, სამხედრო ფიცი დადეს. ფიცის მიღების შემდეგ მათ პირველადი სამხედრო წოდება "ლეიტენანტი" მიენიჭათ. აღლუმის დასრულების შემდეგ ოფიცრები სამსახურს საქართველოს შეიარაღებული ძალების სხვადასხვა ქვედანაყოფეში გააგრძელებენ.
სამხედრო ფიცის მიღების შემდეგ, ოფიცრებს და სრულიად საქართველოს პრეზიდენტმა სააკაშვილმა მიმართა და დამოუკიდებლობის დღე მიულოცა. შესრულდა სახელმწიფო ჰიმნიც, რომელიც ნინი თავდაცვის სამინისტროს სასულე ორკესტრის თანხლებით მომღერალმა ნინი ბადურაშვილმა შეასრულა.
