გია თორთლაძე სასჯელის შეკრებითობის პრინციპის ნაწილობრივ გაუქმებას ითხოვს. ამის შესახებ განცხადება ფრაქცია `ძლიერი საქართველოს~ თავმჯდომარემ გია თორთლაძემ დღეს პარლამენტში საგანგებოდ გამართულ ბრიფინგზე გააკეთა.
მისი თქმით, `სისხლის სამართლის კოდექსში~ არსებული შეკრებითობის პრინციპის გამო ბევრი კაზუსი ხდება და მსუბუქი დანაშაულის ჩამდენის სასჯელმა მძიმე დამნაშავის სასჯელს გადააჭარბოს.
სწორედ ამიტომ იგი ამ პრინციპის ნაწილობრივ გაუქმებას ითხოვს.
შეკრებითობის პრინციპის ნაწილობრივ გაუქმება, თორთლაძის განმარტებით, ითვალისწინებს მძიმე დანაშაულზე იგივე პრინციპის დატოვებას.
პროექტის ავტორი აღნიშნავს, რომ კანონპროექტში გათვალისწინებული იქნება მოსამართლის თავისუფალი გადაწყვეტილების შესაძლებლობაც.
,,სისიხლის სამართლის კოდექსში,, აღნიშნული ცვლილების იდეა ,,ქართული დასის~ ლიდერმა ჯონდი ბაღათირიან ორიოდე თვის წინ, ჟურნალისტებთან სპეციალურ ბრიფინგზე დააფიქსირა, რის შესახებაც თორთლაძისათვის უცნობია.
აღნიშნული ცვლილების შესახებ პრეზენტაციას, გავრცელებული ინფორმაციით, პროკურატურა მომავალ კვირაში გეგმავს. ასეთ შემთხვევაში თორთლაძე აცხადებს, რომ კანონპროექტს სიამოვნებით უკან გამოიწვევს.
გია თორთლაზე საკუთარი კანონპროექტის ინიცირებას პარლამენტში უახლოეს ბიუროზე გეგმავს.
