ლოს ანჯელესში, Dolby-ის თეატრში ამერიკის კინოაკადემიის უმაღლესი ჯილდოს, ოსკარის 98-ე დაჯილდოების ცერემონია გაიმართა.
წლის საუკეთესო კინოსურათის ნომინაციაში გაიმარჯვა პოლ თომას ანდერსონის ფილმმა One Battle After Another.
პოლ თომას ანდერსონმა ასევე გაიმარჯვა ორ ნომინაციაში - საუკეთესო რეჟისორისა და საუკეთესო ადაპტირებული სცენარის ნომინაციებში.
საუკეთესო მეორეხარისოვანი როლის შემსრულებელი მსახიობი კაცის ნომინაციაში გაიმარჯვა შონ პენმა ფილმ One Battle After Another-ში შესრულებული როლისთვის.
კინოსურათმა One Battle After Another სულ ოსკარის 6 ნომინაციაში გაიმარჯვა, მათ შორის მონტაჟისა და ქასთინგის კატეგორიებში.
ანდერსონის ფილმი, რომელშიც მთავარ როლებს ლეონარდო დიკაპრიო, შონ პენი, ბენისიო დელ ტორო და ტეიანა ტეილორი ასრულებენ, ასახავს შეერთებულ შტატებში მემარცხენე რადიკალური დაჯგუფების წევრების ცხოვრებას.
საუკეთესო მსახიობი კაცის კატეგორიაში გაიმარჯვა მაიკლ ბ. ჯორდანმა ფილმ Sinner-ში შესრულებული როლისთვის, ხოლო საუკეთესო მსახიობ ქალად ჯესი ბაკლი დასახელდა, რომელმაც მთავარი როლი შეასრულა ფილმში Hamnet.
რაიან კუგლერის ფილმმა Sinner ასევე მიიღო ოსკარი საუკეთესო ორიგინალური სცენარის ნომინაციაში.
საუკეთესო მეორეხარისხოვანი ქალს როლის შემსრულებლად ემი მადიგანი დასახელდა ფილმ "იარაღში" შესრულებული როლისთვის.
