აშშ-ის პრეზიდენტმა დონალდ ტრამპმა ოვალურ კაბინეტში, სადაც ირლანდიის პრემიერ-მინისტრს, მიხოლ მარტინს ხვდება , ჟურნალისტებს განუცხადა, რომ ირანი საფრთხეს წარმოადგენდა.
კერძოდ, ტრამპს აშშ-ის ეროვნული კონტრტერორისტული ცენტრის ხელმძღვანელის, ჯო კენტის გადადგომის შესახებ ჰკითხეს, რომელმაც განაცხადა, რომ მას არ შეეძლო თანამდებობაზე დარჩენა, რადგან ირანთან ომს არ უჭერდა მხარს.
„მისი განცხადება წავიკითხე, ყოველთვის ვფიქრობდი, რომ ის კარგი ადამიანი იყო, მაგრამ ყოველთვის ვფიქრობდი, რომ უსაფრთხოების საკითხებში სუსტი იყო, ძალიან სუსტი უსაფრთხოების საკითხებში. როდესაც მისი განცხადება წავიკითხე, მივხვდი, რომ კარგი იყო მისი წასვლა, რადგან მან თქვა, რომ ირანი საფრთხეს არ წარმოადგენდა. ირანი საფრთხე იყო, ყველა ქვეყანამ გაიგო, თუ რა საფრთხეს წარმოადგენდა ირანი,“ - განაცხადა ტრამპმა.
