ოკუპირებულ ტერიტორიებზე არსებულ საკრებულოებს უფლებამოსილება გაუგრძელდებათ. ამის შესახებ განცხადება დღეს რიგგარეშე სესიაზე იურიდიულ საკითხთა კომიტეტის თავმჯდომარემ ადგილობრივი თვითმმართველობის შესახებ კანონში ცვლილებების განხილვისას გააკეთა.
აღნიშნული კანონპროექტის პირველი მოსმენით განხილვა დღეს რიგგარეშე სესიაზე პირველი მოსმენით მიმდინარეობს. კანონპროექტით საკრებულოების ფუნქციების დეტალების დაზუსტება ხდება.
რაც შეეხება ოკუპირებულ ტერიტორიაზე არსებულ თვითმმართველობებს, როგორც პავლე კუბლაშვილმა განაცხადა, ამ ტერიტორიოებზე საკრებულოებს უფლებამოსილება გაუგრძელდებათ მანამ, სანამ იქ ადგილობრივი თვითმმართველობის არჩევნების ჩატარება გახდება შესაძლებელი.
