ელექტრონულ პირადობის მოწმობზე 65 წლის ზღვარი და უვადო მოქმედების პირადობის მოწმობები უქმდება. აღნიშნულთან დაკავშირებით ცვლილება შედის "საქართველოს მოქალაქეთა და საქართველოში მცხოვრებ უცხოელთა რეგისტრაციის, პირადობის (ბინადრობის) მოწმობისა და საქართველოს მოქალაქის პასპორტის გაცემის წესის შესახებ"კანონში.
დღეს მოქმედი ნორმით, საქართველოს მოქალაქის პირადობის მოწმობა 20 წლამდე პირებზე გაიცემა 3 წლის ვადით, 20-დან 65 წლამდე პირებზე - 10 წლის ვადით, ხოლო 65 წლის ზევით - უვადოდ.
კანონპროექტის თანახმად კი, საქართველოს მოქალაქის პირადობის მოწმობა 18 წლამდე პირებზე გაიცემა 4 წლის ვადით, 18 წლის ასაკს მიღწეულ პირებზე - 10 წლის ვადით.
შესაბამისად, უქმდება 65 წლის ზღვარი და უვადო მოქმედების პირადობის მოწმობები.