აშშ-ის ელჩი აზერბაიჯანში მეთიუ ბრაიზა მიიჩნევს, რომ ნაბუკო, თურქეთი-საბერძნეთი-იტალია და ტრანსადრიატიკული გაზსადენის პროექტები პერსპექტიულია. ბრაიზას განცხადებით, მნიშვნელოვანია სამხრეთ დერეფნის პროექტის რეალიზაცია, რომელიც გახდება მარშუტი არა მხოლოდ აზერბაიჯანული გაზის ექსპორტისთვის, არამედ სამომავლოდ თურქმენული და ირანული გაზის ექსპორტის განსახორციელებლად.
"მნიშვნელოვანია ევროპაში გაზის ექსპორტი. ხოლო ეს განხორციელდება ნაბუკოთი თუ სხვა რომელიმე პროექტით, მეორე საკითხია. თუმცა მიმაჩნია, რომ ბანუკოს დიდი შანსი აქვს", - აცხადებს ბრაიზა.
რაც შეეხება ტრანსკასპიური ნავთობსადენის მშენებლობას, ბრაიზა მიიჩნევს, რომ აღნიშნული წარმოადგენს თურქმენეთისა და აზერბაიჯანის გადასაწყვეტ საკითხს.
"არავითარ პროგნოზებს მილსადენთან დაკავშირებით არ გავაკეთებ, მაგრამ მიმაჩნია, რომ ლოგიკური პროექტია", - აცხადებს ბრაიზა.
"ნაბუკოს" გაზსადენის მშენებლობის პროექტის კონსრომციუმმა ევროპაში კასპიური გაზის მიწოდების დაწყების თარიღი 2 წლით გადაწია. ახალი გეგმის მიხედვით, გაზის მიწოდება 2017 წელს დაიწყება. შესაბამისი განცხადება Nabucco Gas Pipeline International GmbH-ის მმართველმა დირექტორმა რეიჰარდ ვიტჩეჯმა გააკეთა.
მისი თქმით ნავარაუდევია, რომ მშენებლობა 2013 წელს დაიწყება, ხოლო მიწოდება 2017 წელს. ადრე კონსრომციუმი აცხადებდა, რომ მიწოდებას 2015 წელს დაიწყებდა და მისი გამტარი სიმძლავრე წელიწადში 31 მლრდ. კუ/მ-ად იყო შეფასებული. თავად გაზსადენის სიგრძე კი 4 ათასი კმ. უნდა ყოფილიყო. თურქული წყაროების მიხედვით, გაზსადენის საპროექტო საინვესტიციო ღირებულება 12-15 მლრდ. ევრომდე გაიზარდა, მაშინ, როდესაც პროექტის ღირებულებად 7,9 მლრდ. დოლარი სახელდებოდა. საინვესტიციო გადაწყვეტილება, სავარაუდოდ, 2012 წლისთვის დადგინდება. მიტჩეკმა აღნიშნულთან დაკავშირებით კონკრეტული განმარტებები არ გააკეთა, თუმცა აღნიშნა, რომ გაზსადენის სიგრძე 550 კმ.-ით გაიზრდება.
კონსროციუმში "ნაბუკოს" მშენებლობისთვის ამ დროისთვის გაერთიანებულნი არიან თურქული კომპანია Botas, Bulgarian Energy Holding, უნგრული MOL PLC, ავსტრიული OMV Gas&Power, GmbH გერმანული RWE და რუმინული Transgaz. პროექტის ყოველ მონაწილეს პროექტში 16,67 %-იანი წილი აქვს. TumcaRa International Petroleum Investment Company (IPIC) უკვე ფლობს აქციათა 20 %-ს ავსტრიულ OMV Gas&Power GmbH -ში.
"ნაბუკოს" პროექტი ითვალისწინებს კასპიური გაზის ევროპაში მოხვედრასც აზერბაიჯანის, საქართველოს, თურქეთის, ბულგარეთის, უნგრეთის, რუმინეთისა და ავსტრიის გავლით. პროექტის თანახმად, გაზსადენი ბაქო-თბილისი-ერზრუმის გაზსადენის გაგრძელება გახდება და ყოველწლიურად 20-30 მლრდ კუბურიმეტრის გაზის გაატრებას უზრუნველყოფს.
