26 აპრილს, თბილისში, დაგეგმილ ბიზნესფორუმის ფარგლებში, საქართველოს საინფორმაციო ტექნოლოგიების სფეროში მოქმედი კომპანიები სომეხ კოლეგებთან შესაძლო თანამშრომლობის საკითხებს განიხილავენ.
ბიზნეს-ფორუმში 30 სომხური IT კომპანია მიიღებს მონაწილეობას, მათ შორის Armenian Software, CHS Vericel Service, Nork Information-Analytical Center, Norma Plus, Smart-Tech, E-works, Apaga Technologies, IDS Design and Technologies, Vanarmcomp, Westsoft, Essential Solutions, Altacode, SouthTech Consulting, Inc, EKENG, GITC, Compass, Firm Alpha.
ბიზნეს-ფორუმში მონაწილეობას 20-მდე IT კომპანია მიიღებს, თუმცა კომპანიების სრული ჩამონათვლის შესახებ ინფორმაცია არ ვრცელდება, რადგანაც კომპანიების რეგისტრაცია ამ დროისთვისაც მიმდინარეობს.
ქართული და სომხური კომპანიები ფორუმებზე: Digitec Business Forum, Digitec Expo და, GITI-ში მონაწილეობის საკითხსაც განიხილავენ. ასევე განხილულ იქნება რეგიონალური კონკურენციის საკითხები და ინდუსტრიალური განვითარების ინიციატივები.
სომხურმა მხარემ უკვე მიიღო გადაწყვეტილება და მსგავსი ფორუმი შემოდგომით სომხეთის დედაქალაქ ერევანშიც ჩატარდება. ფორუმის ორგანიზატორები არიან, სომხური UITE და საქართველოს საინფორმაციო და საკომუნიკაციო ტექნოლოგიების ასოციაცია (ICT Business Council).
