შემდეგი ოთხი წლის განმავლობაში საქართველოში ამერიკის შეერთებული შტატების მთავრობის მიერ 15 ახალი პროგრამა განხორციელდება. პროექტების საერთო ღირებულება 90 მილიონი დოლარია. როგორც აშშ-ს ელჩმა საქართველოში ჯობ ბასმა განაცხადა, ეს პროგრამები მიმართულია საქართველოს დემოკრატიულ განვითარებაზე, სამართლებრივი სისტემის გაუმჯობესებაზე, ძლიერი და დამოუკიდებელი სასამართლო სისტემის განტმკიცებაზე.
"სამართლიანი და დემოკრატიული მმართველობის პროგრამებს აშშ-ის საერთაშორისო განვითარების სააგენტო, აშშ-ის საელჩოს საზოგადოებრივ საქმეთა განყოფილება და აშშ-ის იუსტიციის დეპარტამენტი ახორციელებენ. აშშ-ის მთავრობის ინვესტიცია ხაზს უსვამს ამერიკის სურვილს, დემოკრატიის გასაძლიერებლად საქართველოს მთავრობასთან ერთად იმუშაოს და დააფინანსოს პროგრამები, რომელიც ხელს შეუწყობს სასამართლოს დამოუკიდებლობას, კანონის უზენაესობას, სამართლიან მმართველობას, პოლიტიკურ პაექრობას", - განაცხადა ჯონ ბასმა საქართველოს პარლამენტის ეროვნულ ბიბლიოთეკაში, აშშ-ს მთავრობის მიერ საქართველოში განხორციელებულ დემოკრატიისა და სამართლიანი მმართველობის მხარდამჭერი პროგრამების შეჯამების შემდეგ.
პროგრამების ერთიანი სახელწოდებაა "სამართლიანი და დემოკრატიული მმართველობა".