2011 წლის ორ თვეში, საქართველოს სახმელეთო ტრანსპორტის სატვირთო გადაზიდვების მოცულობამ 6,6 მლნ ტონა შეადგინა, რაც 3%-ით აღემატება გასული წლის ანალოგიური პერიოდის მონაცემებს.
ეკონომიკისა და მდგრადი განვითარების სამინისტროს ინფორმაციით, 2011 წლის იანვარ-თებერვალში, საქართველოს ტრანსპორტის დარგების მიერ გადამუშავებულმა სატვირთო გადაზიდვების მოცულობამ, ჯამში 10 მლნ. ტონა შეადგინა. აღნიშნულ პერიოდში, საზღვაო ტრანსპორტის მიერ გადაზიდულმა ტვირთმა 3,4 მლნ. ტონა შეადგინა.
2011 წლის ორ თვეში, საქართველოს ტრანსპორტის დარგების მიერ გადამუშავებულმა სატვირთო გადაზიდვების 36% საგზაო ტრანსპორტზე მოდის, მას მოჰყვება საზღვაო ტრანსპორტი (34%) და რკინიგზა (30%). 2011 წლის იანვარ-თებერვალში, სარკინიგზო გადაზიდვები 7%-ით არის გაზრდილი.
საანგარიშო პერიოდში, ბათუმის საზღვაო ნავ-სადგურმა 1,2 მლნ. ტონა, ხოლო ფოთის საზღვაო ნავსადგურმა 0,9 მლნ. ტონა ტვირთი გადაზიდა.
2011 წლის იანვარ-თებერვალში, საქართველოს სახმელეთო ტრანსპორტის მიერ 44,4 მლნ. მგზავრი იქნა გადაყვანილი, რაც 3%-ით მეტია გასული წლის ამავე პერიოდთან შედარებით