საქართველოს ტექნიკურ უნივერსიტეტსა და ლიტვის კლაიპედას უნივერსიტეტს შორის ურთიერთთანამშრომლობის ხელშეკრულებას მოეწერა ხელი. ხელშეკრულებას, რომელიც ითვალისწინებს სამეცნიერო და კვლევითი მიმართულებით ურთიერთთანამშრომლობას, ხელი მოაწერეს სტუ-ის რექტორმა, არჩილ ფრანგიშვილმა და კლაიპედას უნივერსიტეტის რექტორმა, ჟულკუს ვალდასმა.
საქართველოს ტექნიკურ უნივერსიტეტში ნატო-ს დახმარებითა და ფინანსური მხარდაჭერით, საერთაშორისო კონფერენცია "ინფორმაციის ბუნება და სინერგია: მდგრადობა და უსაფრთხოება" დღეს გაიხსნა. ღონისძიების მთავარი ორგანიზატორია საქართველოს ტექნიკური უნივერსიტეტი; მას მხარს უჭერენ ევროპისა და აშშ-ის ცნობილი აკადემიური და საგანმანათლებლო ორგანიზაციები.
კონფერენციის პროგრამა მოიცავს საინფორმაციო-საკომუნიკაციო მეცნიერებისა და ტექნოლოგიების ყველა ძირითად მეთოდსა და მიმართულებას, კერძოდ: მეცნიერება ინფორმაციის შესახებ და ჰუმანიტარული დისციპლინები; ინფორმაციული საზოგადოება და ინოვაციები და სხვა.
კონფერენციის სამეცნიერო პროგრამა შედგება ოთხდღიანი მოწვეული და ზეპირი მოხსენებებისგან, რომელიც ეძღვნება ყველა მთავარ დარგს თანამედროვე საინფორმაციო-საკომუნიკაციო მეცნიერებისა და ტექნოლოგიების მდგარადი და უსაფრთხო განვითარებისთვის; ასევე დისკუსიებს მრგვალ მაგიდასთან. კონფერენციის ბოლოს ნავარაუდევია შეხვედრები თბილისის სახელმწიფო უნივერსიტეტში, წმინდა ანდრიას უნივერსიტეტსა და საქართველოს სხვა კულტურულსა და საგანმამათლებლო ცენტრებში.
კონფერენციის ოფიციალური ენაა ინგლისური. კონფერენცია - "ინფორმაციის ბუნება და სინერგია: მდგრადობა და უსაფრთხოება" - 24 აპრილს დასრულდება.
