შემოსავლების სამსახურმა კახეთში პენსიებზე ინკასო მოხსნა. როგორც სააგენტო "ჯი-ეიჩ-ენს" შემოსავლების სამსახურიდან აცნობეს, საგადასახადო სამსახურმა აღნიშნული ქმედება განახორციელა იმ მიზეზით, რომ პენსიონერები ინდ.მეწარმეების სტატუსით იყვნენ დარეგისტრირებულნი. თუმცა როგორც შემოსავლების სამსახურში განმარტავენ, ამ დროისათვის პრობლემა აღმოფხვრილია და პენსიებზე ინკასო მოხსნილია.
შეგახსენებთ, რომ დღეს კახეთის საინფორმაციო ცენტრმა გაავრცელა ინფორმაცია, იმის შესახებ, რომ ფინანსთა სამინისტროს შემოსავლების სამსახურის თელავის რეგიონალურმა ცენტრმა კახეთში პენსიებზე ინკასო 533 პენსიონერს დაუდო. კახეთის საინფორმაციო ცენტრის ინფორმაციით, საგადასახადო სამსახური პენსიონერებს სხვადასხვა დროს დაკისრებული ჯარიმებისა და საურავების გადახდას ედავებოდა.
მასალის გამოყენების პირობები
