"რიტუალური შელოცვების მორიგე გამეორება არ არის საჭირო, ჩვენ ჩვენი ვალდებულებები მედევევი-სარკოზის გეგმასთან დაკავშირებით საბოლოოდ მოვხსენით". ნათქვამია რუსეთის საგარეო საქმეთა სამინისტროს მიერ გავრცელებულ განცხადებაში, რომელიც ბერლინში ჩატარებული ნატო-საქართველოს კომისიის მიერ გაკეთებულ ერთობლივ განცხადებას ეხება.
"სამწუხაროდ უნდა ავღნიშნოთ, რომ დოკუმენტში ჩართული იყო ტენდენციური და რეალობას მოწყვეტილი ფორმულირებები, რომლებიც აფხაზეთისა და სამხრეთ ოსეთის ირგვლივ არსებულ სიტუაციას ეხებოდა. კერძოდ, კვალვ ისმის მოწოდებების რუსეთის მიმართ "დაიცვას" მედვედევისა და სარკოზის მიერ ხელმოწერილი შეთანხმება", _ ნათქვამია რუსეთის საგარეო უწყების მიერ გავრცელებულ განცხადებაში.
ამასთან დაკავშირებით რუსეთის საგარეო საქმეთა სამინისტრო აღნიშნავს, რომ "ერთადერთი სადავო საკითხი, რომელიც მედვედევისა და სარკოზის შეთანხმებისამებრ აღებული ვალდებულებების შესრულებას ეხებოდა, ჩვენს მიერ საბოლოოდ მოიხსნა ჯერ კიდევ 2010 წლის 18 ოქტომბერს. მაშინ სამხრეთ ოსეთის სიღრმეში გადადისლოცირებული იქნა რუსეთის სასაზღვრო პოსტი, რომელიც ორი წლის განმავლობაში სოფელ პერევთან ახლოს მდებარე მიწაზე იყო განლაგებული, რომლის კუთვნილება, ბოლომდე გარკვეული არ იყო", _ ნათქვამია განცხადებაში.
"უკეთესი იქნებოდა ნატოელ პარტნიორებს საქართველოს ხელისუფლება კონსტრუქციული მიდგომისაკენ მიემართათ კავკასიაში უსაფრთხოებისა და სტაბილურობის საკითხში. რიტუალური შელოცვების მორიგე გამეორება კი იმის შესახებ, რომ რუსეთმა ვალდებულებები არ შეასრულა ყალბ სიგნალებს გზავნის და სინანულის ღირსია", _ ნათქვამია სერგეი ლავროვის უწყების მიერ გავრცელებულ განცხადებაში.