"თბილისში მოსული ტალახიანი წვიმა რადიაციას არ უკავშირდება", - აცხადებს მეტეოროლოგიური პროგნოზის ბიუროს უფროსი სვეტლანა ნიორაძე "ჯი-ეიჩ-ენთან" საუბრისას.
მისი თქმით, ეგვიპტისა და ლიბიიდან ატაცებული მტვერი და ქვიშა შავი ზღვიდან მომავალ სამხრეთ-დასავლეთის ქარს მოაქვს, რაც ნალექიანი წვიმის სახით გამოვლინდა. თუმცა დღესვე ჩრდილო-დასავლეთის ქარი შეენაცვლება და ტალახიანი ნალექი გაიფანტება.
სინოპტიკოსის თქმით, აღმოსავლეთ საქართველოში 24 აპრილიდან გამოიდარებს, დასავლეთ საქართველოში კი ისევ ნალექი შენარჩუნდება.
შეგახსენებთ, დღეს დილიდან თბილისში ტალახიანი წვიმა მოდის.
