თბილისსა და რომს შორის, შესაძლოა, პირდაპირი საჰაერო მიმოსვლა დაიწყოს.
საკითხი საქართველოს პრემიერ-მინისტრმა ნიკა გილაურმა იტალიაში ვიზიტის ფარგლებში ქვეყნის ეკონომიკის მინისტრთან შეხვედრისას განიხილა.
"ეკონომიკის მინისტრთან შეხვედრაზე რამდენიმე ახალი საკითხი წამოიჭრა, მათ შორის ერთ-ერთი თბილისსა და რომს შორის პირდაპირი ფრენების დაწყებას შეეხება, რომლითაც იტალიური მხარეცაა დაინტერებული და იმედი მაქვს, ეს საკითხი უახლოს მომავალში დადებითად გადაწყტდება", - განუცხადა საქართველოს პრემიერ-მინისტრმა ჟურნალისტებს.
ამასთან, გილაურის ვარაუდით, საკითხის დადებითად გადაწყვეტის შემთხვევაში, იტალიის დედაქალაქიდან თბილისის მიმართულებით თვითმფრინავები კვირაში კვირაში მინიმუმ ორ-სამჯერ იფრენებენ.
შეგახსენებთ, რომ საქართველოს მთავრობის ხელმძღვანელი იტალიაში ორდღიანი ვიზიტით იმყოფებოდა.
