გასული წლების მსგავსად, 2011 წელს "პროკრედიტ ბანკი" ბაზარზე საკუთარი პოზიციის გამყარებას და სანდო საბანკო მომსახურების გაწევის დახვეწას გააგრძელებს. როგორც დღეს სასტუმრო "ჰოლიდეი ინში" გამართულ ბრიფინზე "პროკრედიტ ბანკი საქართველოს" მენეჯმენტმა განაცხადა, 2011 წელსაც ბანკი ბაზარზე მყარ პოზიციას შეინარჩუნებს.
ბანკის ინფორმაციით, ძალიან მცირე, მცირე და საშუალო და აგრო საწარმოებს, ზრდის პოტენციალი აქვს და მათი დაკრედიტება და განვითარება საქართველოს ეკონომიკურ განვითარებას შეუწყობს ხელს.
"პროკრედიტ ბანკის" მენეჯმენტი აცხადებს, რომ ფილიალების ქსელში ინვესტიციები 2011 წელსაც გაგრძელდება. ფილიალები ახალციხესა და სამტრედიაში გაიხსნება, სადაც ბანკი აქამდე არ იყო წარმოდგენილი. ყველა ახალი ფილიალი ახალი დიზაინის მიხედვით აღიჭურვება. იმავდროულად, გრძელდება ახალი სათავო ოფისის მშენებლობა, რომელიც გეგმის მიხედვით 2012 წლის დასაწყისში დასრულდება.
"პროკრედიტ ბანკში" აცხადებენ, რომ მომსახურების ხარისხის შემდგომი დახვეწის მიზნით, ტრენინგს 2011 წელს კვლავაც მნიშვნელოვანი ყურადღება დაეთმობა. გარდა სამუშაოებისთვის სპეციფიკური ტრენინგებისა, თანამშრომლები გაივლიან ფინანსური მათემატიკისა და ბუღალტერიის კურესებს, საშუალო რგოლის მენეჰჯერები მონაწილეობას მიიღებენ ინგლისური ენის კურსებში და გაივლიან სატრენინგო კუყრსებს მაკედონიის რეგიონულ აკადემიასა და პროკრედიტ ფიურტის (გერმანია) აკადემიაში.
