"პროკრედიტ ბანკი" 2010 წელს წარმატებულად აფასებს. კომპანიის მენეჯმენტმა დღეს სასტუმრო "ჰოლიდეი ინში" 2010 წლელი შეაჯამა და სამომავლო გეგმებზეც ისაუბრა. ბანკის მენეჯმენტი აცხადებს, რომ "პროკრედიტ ბანკი საქართველომ" მტკიცე საბაზრო პოზიცია შეინარჩუნა და კვლავაც აგრძელებს საიმედო და სოციალური პასუხისმგებლობის მატარებელი საბანკო მომსახურების გაწევას ბიზნესებისა და კერძო საოჯახო მეურნეობისთვის.
ბანკის ინფორმაციით, 2010 წელს "პროკრედიტ ბანკმა" 20.9 მილიონი ლარის (11.8 მილიონი დოლარის) წმინდა მოგება აჩვენა, ხოლო ამონაგებმა საკუთარ კაპიტალზე კი (ROE) 18.8 პროცენტი შეადგინა.
"2010 წელი პროკრედიტ ბანკი საქართველოსთვის კიდევ ერთი წარმატებული წელი იყო. ბანკმა შეინარჩუნა ძლიერი პოზიცია საბანკო ბაზარზე და კვლავ მისი ძირითადი მიზანობრივი ჯგუფის - ძალიან მცირე, მცირე და საშუალო ბიზნესის ერთგული დარჩა. პროკრედიტ ბანკი განუხრელად მიჰყვებოდა არჩეულ კურსს - სანდო, მარტივი და პასუხისმგებლიანი მომსახურების გაწევას შედარებით დაბალი და საშუალო შემოსავლის მქონე მოსახლეობისთვის. საბანკო მოსმახურების გარდა, ბანკი მნიშვნელობვან როლს ასრულებს ფინანსურ საკითხებში მოსახლეობის გათვითცნობიერებასა და დაზოგვის კულტურის დანერგვაში. პროფესინალმა და ერთგულმა თანამშრომლებმა, რომლებიც იზიარებენ ბანკის კორპორატიულ ღირებულებებს, დიდი როლი შეასრულეს ბანკის წარმატებული ბიზნეს-შედეგების მიღწევაში. ბიზნეს კლიენტების გაზრდილი რაოდენობა და საერთო ბიზნეს შედეგები აჩვენევს იმ ნდობასა და დაფასებას, რომელიც მოსახლეობამ პროკრედიტ ბანკს მისი სანდო და მაღალხარისხიანი მომსახურების გამო გამოუცხადა", - განაცხადა, "პროკრედიტ ბანკი საქართველოს" გენერალურმა დირექტორმა მაია მერედოვამ.
"პროკრედიტ ბანკი საქართველოს" სამეთვალყურეო საბჭოს თავმჯდომარის ფილიპ პოტის თქმით, ბანკის გამჭვირვალე დამოკიდებულებამ კლიენტების მიმართ და ინდივიდუალურმა მიდგომამ განაპირობა ის, რომ ბანკმა წარმატებულად გადალახა მსოფლიო ეკონომიკური კრიზისი. პოტი ამბობს, რომ ის თავის კლიენტებს სესხების არებისასგარკვეული სიფრთხილისკენაც მოუწოდებდა.
"2006-2009 წლები იყო ბუმი სესხების აღების მიმართულებით. სწორედ ამ წლებში ჩვენ კლიენტებს ვაფრთხილებდით, რომ სესხი შესაძლოა შემდგომ მათთვის დიდი ტვირთი აღმოჩნდეს, რადგანაც, მნიშვნელოვანია რომ ისინი გადახდისუნარიანები იყვნენ. როდესაც კომპანია ინვესტიციასგეგმავს, ის ქვეყნის მშპ-ზე არ უნდა იყოს დამოკიდებული, უბრალოდ ბიზნესმა წინასწარ უნდა გათვალოს რომ შესაძლოა მას სტაგნაციის პერიოდიც დაუდგეს. სწორედ ასეთმა ფრთხილმა მიდგომამ, განაპირობა ის რომ "პროკრედიტ ბანკი" არის საკმაოდ წარმატებული ბანკი. ჩვენი ურთიერთობა კლიენტებთან მიმართებაში დიდი გამჭვირვალობაზეა დამყარებული. სწორედ ამ გამჭვირვალობის შედეგია ის, რომ სტაბილური რეპუტაცია გვაქვს. ჩვენ მომავალშიცგავაგრძელებთ ამ მიმართულებით მუშაობას და ინვესტირებას", - განაცხადა ფილიპ პოტმა.
"პროკრედიტ ბანკის" მენეჯმენტი აცხადებს, რომ წლის განმავლობაში ბანკი ორიენტირებული იყო ძალიან მცირე, მცირე და საშუალო ზომის ბიზნესებისთვის მაღალი ხარისხის მომსახურების გაწევაზე და ამავდროულად საკრედიტო პორტფელის მაღალი ხარისხის შენარჩუნებაზე. 2010 წელს ბანკის საკრედიტო პორტფელი 11.4 პროცენტით გაიზარდა და 595 მილიონ ლარს (336 მილიონ აშშ დოლარს) გაუტოლდა, ხოლო ვადაგადაცილებული სესხების წილი პორტფელში მხოლოდ 1.5 % იყო, რაც გაცილებით დაბალია საბანკო სექტორის საშუალო მაჩვენებელზე.
"პროკრედიტ ბანკში" განმარტავენ, რომ 2010 წელს კლიენტთა სახსრები მნიშვნელოვნად გაიზარდა, რაც ბანკის მიმართ მოსახლეობის ნდობაზე მიანიშნებს. კლიენტთა მთლიანი სახსრები 25 %-ით გაიზარდა და 480 მილიონი ლარი (271 მილიონი აშშ დოლარი) შეადგინა, ხოლო ანგარიშების მთლიანმა რაოდენობამ 9.2%-ით მოიმატა და 436,898-ს მიაღწია. ვადიანი ანაბრების მთლიანი მოცულობა 12.8%-ით გაიზარდა და 215 მილიონ ლარს (121 მილიონ აშშ დოლარს) გაუტოლდა, შემნახველი ანგარიშები კი 38.6%-ით გაიზრდა და 146 მილიონი ლარი შეადგინა (82 მილიონი აშშ დოლარი).
"პროკრედიტ ბანკმა" 2010 წელი 20.9 მილიონი ლარის (11.8 მილიონი აშშ დოლარის) წმინდა მოგებით დახურა, რაც 2009 წლის მოგების შთამბეჭდავ მაჩვენებელზე 5.3%-ით მეტია. მენეჯმენტის მტკიცებით, მომგებიანობის ასეთი მაღალი დონე განაპირობა კლიენტებისა და ოპერაციების მზარდმა რაოდენბობამ, შესაბამისად საკომისიო შემოსავლის გაზრდამ, ხარჯვის ეფექტურად მართვამ და საკრედიტო პორტფელის მაღალმა ხარისხმა.
"პროკრედიტ ბანკი საქართველოს" გენერალური დირექტორის მაია მერედოვას თქმით, გასულ წელს ბანკმა დანერგა კონცეფცია "საბანკო მომსახურება ერთ წერტილში", რათა კლიენტებისთვის უფრო სწრაფი და ეფექტური მოსმახურება შეეთავაზებინა. მისივე განმარტებით, ამჯერად კლიენრტებს შეუძლიათ როგორც ფულადი, ასევე არაფულადი ოპერაციები ერთ მაგისდასთან განახორდციელონ, სალაროსთან მისვლის გარეშე. ყველა ოპერაციით ერთ ადგილას შესრულებით ჩვები საბანკო მომსახურება კლიენტებისთვის უფრო ეფექტური გახდება და გამარტივდება. გარდა ამისა, საქმიანობისადმი ახლებური მიდგომის ასახვის მიზნით, გადახალისდა ფილიალებისა და მომსახურების ცენტრების შიდა დიზაინი, რათა კლიენტებისთვის უფრო სასიამოვნო გარემო შექმნილიყო. ყველა ახალი ფილიალი, რომელიც გაიხსნება და არსებული ფილიალები, რომლებიც გარემონტდება, უკვე ახალი კონცეფციის მიხედვით მოეწყობა და აღიჭურვება.
აღსანიშნავია, რომ მცირე ბიზნესების საჭიროებათა უკეთ გასაგებად და მათთვის უფრო ეფექტური მომსახურების გასაწევად 2010 წელს "პროკრედიტ ბანკმა" ახალი მომსახურება - მცირე ბიზნეს მრჩეველი (SBA) დანერგა. ბიზნეს მრჩეველები კარგად მომზადებული პროფესიონალები არიან, რომლებიც ბანკში მცირე ბიზნეს კლიენტებისთვის საკონტაქტო პირის ფუნქციას ასრულებენ. ბიზნეს მრჩეველები კარგად იცნობენ ბანკის პროდუქტებს და კლიენტების ბიზნეს-საჭიროებებს, ამიტომ შეუძლიათ მათთვის კომპეტენტური და მათ საჭიროებებზე მორგებული მომსახურების გაწევა.
"პროკრედიტ ბანკში" აცხადებენ, რომ ბანკის ყველაზე ღირებული აქტივი მისი თანამშრომლებია და რომ მაღალლკვალიფიციური და ერთგული კადრები მნიშვნელოვან როლს თამაშობს კლიენტებთან პროფესიული ურთიერთობების განმტკიცებასა და მათთვის მაღალხარისხიანი მომსახურების გაწევაში, რაც საბოლოოდ ბანკის წარმატებული მუშობის საწინდარია.
2010 წელს ბანკმა მნიშვნელოვანი ინვესტიციები ჩადო თანამშრომელთა ტრენინგსა და განვითარებაში. სამუშაოსთან დაკავშირებულ ტრენინგებთან ერთად მათ დამატებითი ტრენინგი ჩაუტარდათ ტექნიკური ცოდნის ამაღლების მიზნით, საშუალო რგოლის მენეჯერებმა კი მენეჯმენტისა და ინგლისური ენის კურსები გაიარეს.
2010 წლის "პროკრედიტ ბანკმა" 2010 წლის ბოლოს გამჭვირვალობის კამპანია წამოიწყო, რომლის მიზანი იყო საქართველოს მოსახლეობის ცოდნის ამაღლება საბანკო მომსახურების შესახებ. კამპანიის ძირითადი გზავნილი იყო: ყველა საბანკო მოსმახურება და პროდუქტი ნათელი, გამჭვირვალე და კლიენტებისთვის ადვილად გასაგები უნდა იყოს. კამპანიის ფარგლებში პროკრედიტ ბანკმა მოამზადა საგანმანათლებლო ხასიათის ბროშურა "რა უნდა ვიცოდეთ საბანკო მომსახურების შესახებ". ბროშურა კლიენტებს ბანკებთან ურთიერთობაში დაეხმარება. მოსახლეობას 130 000 ცალი ბროშურა დაურიგდა. იგი არასაბანკო ენითაა შედგენილი და მოიცავს კლიენტებისთვის - როგორც ფიზიკური პირების, ასევე ბიზნესისათვის - საჭირო ინფორმაციას ისეთი ძირითადი საბანკო მომსახურების შესახებ, როგორიცაა ანაბრები და სესხები.
