აშშ-ის პრეზიდემტმა ბარაკ ობამამ და მისმა მეუღლემ მიშელმა 2010 წელს 1, 728 მილიონი დოლარი გამოიმუშავეს.
როგორც ცნობილია, აშშ-ის პრეზიდენტის ოფიციალური ხელფასი 400 ათასი დოლარია, ამ თანხის დანარჩენი ნაწილი ბარაკ და მიშელ ობამების "ოჯახურ ხაზინაში" წიგნების გაყიდვიდან შევიდა, რომელიც პრეზიდენტმა დაწერა.
2010 წელს პრეზიდენტმა ობამამ ფედერალურ ხელისუფლებისთვის 453,770 დოლარის ოდენობით გადასახადი გაიღო. ილინოისის შტატში, სადაც ობამების წყვილი ოფიციალურად ცხოვრობს, აშშ-ის პირველი პირის ოჯახმა 51, 568 დოლარის ოდენობით გადასახადი გაისტუმრა.
ამასთან, აშშ-ის მეთაურმა და პირველმა ლედიმ საკუთარი ერთობლივი საგადასახადო დეკლარაციის შესახებ ღიად განაცხადეს. მათი თქმით, ობამების ოჯახის წლიური შემოსავლიდან 14, 2 %, ანუ 275 ათასი დოლარი მათ საქველმოქმედო ორგანიზაციებს შესწირეს. 131 ათასი დოლარისა ოდენობით, ყველაზე დიდი საჩუქარი მათ Fisher House Foundation ორგანიზაციისთვის გაიღეს, რომელიც მკურნალობას დაქვემდებარებულ ამერიკელ ვეტერანებს შეღავათიან ან საერთოდ უფასო საცხოვრებელ პირობებს სთავაზობს.
ამასთან, ვიცე-პრეზიდენტმა ჯო ბაიდენმა და მისმა მეუღლე ჯილიმ 2010 წელს 379, 178 დოლარი გამოიმუშავეს, ხოლო ფედერალური გადასახადებისთვის 86,626 დოლარი გაიღეს.
აღსანიშნავია, რომ გადასახადებთან ერთად, აშშ-ის პრეზიდენტი და ვიცე-პრეზიდენტი თავის ოფიციალურ რეზიდენციებში სახელმწიფოს ხარჯზე ცხოვრობენ. მათი მოსალოდნელი ხარჯებისთვის სპეციალური ანგარიში გამოიყოფა. მაგალითად, აშშ-ის პრეზიდენტი ცხოვრობს თეთრ სახლში, სადაც 132 ოთახი, 32 სააბაზანო, კინოთეატრი, ბოულინგის დარბაზი, ბილიარდი, ტენისის კორტები, სარბენი ბილიკი და ფართო ბაღია. ამასთან, ობამას შეუძლია, ისარგებლოს ქალაქგარეთ მდებარე რეზიდენციით კემპ-დევიდში.