ოპოზიციონერ დეპუტატ ჯონდი ბაღათურიას საქართველო-თურქეთის მეგობრობასთან დაკავშირებით კითხვის ნიშნები უჩნდება.
"ნამდვილად მიიჩნევს თუ არა თურქეთის სახელმწიფო თავს საქართველოს მეგობრად?" - ეს შეკითხვა ბაღათურიამ პარლამენტის დღევანდელ პლენარულ სხდომაზე მას შემდეგ დასვა, რაც თურქების მიერ აფხაზეთსა და აჭარაში ბოლოდროინდელ გააქტიურებაზე ისაუბრა.
"ჩვენ ვხედავთ სეპარატისტებისა და პოლიტიკური კრიმინალების ანშლაგებით ჩასვლას თურქეთში და იქ მათ ასეთივე დახვედრას. ამას ემატება მათი გააქტიურება აჭარაში, რაც საკმაოდ საეჭვოდ გამოიყურება. მინდა მაქსიმალური სიფრთხილისკენ მოვუწოდო ყველას. დიდი ყურადღება მივაქციოთ ამ ფაქტს და დავფიქრდეთ, რატომ გააქტიურდნენ თურქები, რბილად რომ ვთქვათ, ასე არასასიამოვნოდ აფხაზეთსა და აჭარაში?, - განაცხადა ბაღათურიამ.