რუსეთის თავისუფალ მოჭიდავეთა ნაკრების ოკუპირებულ ცხინვალში სტუმრობა სკანდალით დასრულდა . ქალაქის ცენტრში, სპორტსმენებსა და თანმხლებ ოსურ დელეგაციას შორის შელაპარაკება მოხდა.
როგორც რუსული სააგენტოები თვითმხილველზე დაყრდნობით წერენ, რუსებმა მასპინძლებს სიტყვიერი შეურაცხყოფა მიაყენეს. კონფლიქტმა მასშტაბური სახე მას შემდეგ მიიღო რაც შეურაცხყოფისთვის მოჭიდავეებს, ცხინვალის ასეულობით მოქალაქე დაუპირისპირდა.
შეხლა-შემოხლის შესაჩერებლად სამართალდამცველების ჩარევა გახდა საჭირო. რუსეთის თავისუფალი სტილით მოჭიდავეთა ნაკრებმა ოკუპირებული ტერიტორია უკვე დატოვა.