დღეს, 19 აპრილს, საქართველოში ვიზიტით მყოფი ევროსაბჭოს ადამიანის უფლებათა კომისარი თომას ჰამარბერგი ქართული არასამთავრობო ორგანიზაციების წარმომადგენლებს შეხვდება.
საუბარი ადამიანის უფლებათა დაცვის კუთხით არსებულ მდგომარეობას შეეხება. დღესვე დაგგემილია მისი შეხვედრები ხელისუფლების წარმომადგენლებთან. თომას ჰამარბერგი უკვე მიიღო საქართველოს პატრიარქმა მიიღო.
"ამჯერად სასამართლო სისტემის მუშაობას ვიკვლევთ, თუმცა მოლაპარაკებების დასრულებამდე საკითხის დეტალიზაციისგან თავს შევიკავებ. ადამიანის უფლებების დაცვა ეს არის ძირითადი პრინციპი, რასაც ყველა ქვეყანა მაქსიმალურად უნდა ეცადოს. მოგვიანებით რეკომენდაციებიც გაიცემა", - განუცხადა ჰამარბერგმა ჟურნალისტებს.
ევროპის საბჭოს ადამიანის უფლებათა კომისარი თბილისში გუშინ ჩამოვიდა. თომას ჰამარბერგი იუსტიციის და სასჯელაღსრულების სამინისტროებში, ასევე პარლამენტის იურიდიულ კომიტეტში გამართავს შეხვედრას. ევროსაბჭოს ადამიანის უფლებათა კომისარს სასამართლო ხელისუფლების წარმომადგენლებიც მიიღებენ.
ვიზიტის ფარგლებში ევროსაბჭოს კომისარი ოკუპირებულ ცხინვალშიც გეგმავს ჩასვლას.
