ქრისტიან-დემოკრატიული მოძრაობის ლიდერებმა ნაძალადევის რაიონში მცხოვრებ მრავალშვილიან ოჯახებსა და სოციალურად დაუცველ ბავშვებს ხარების დღესასწაულს მიულოცეს. ბავშვები და მათი მშობლები ქრისტიან-დემოკრატიული მოძრაობის რაიონულ ორგანიზაციაში შეიკრიბნენ. გიორგი თარგამაძემ და ინგა გრიგოლიამ ბავშვებს საჩუქრად სასკოლო ჩანთები და სათამაშოები გადასცეს, მშობლებმა კი საკუთარი პრობლემები გააცნეს.
‘'ქრისტიან-დემოკრატიული მოძრაობა განსაკუთრებულ ყურადღებას უთმობს სოციალურად დაუცველ ოჯახებს. დღეს ვეცადეთ, რომ დავხმარებოდით მათ, განსაკუთრებით კი გვინდოდა ბავშვების საჩუქრებით გახარება'', - განაცხადა თარგამაძემ.
მისივე თქმით, ქრისტიან-დემოკრატიული მოძრაობის რაიონული ორაგანიზაციების ოფისებს აქვთ ძალიან მჭიდრო კონტაქტი სოციალურად დაუცველ ოჯახებთან და ისინი ყოველდღიურად ეცნობიან მათ პრობლემებს.
