ეროვნული კინოცენტრი ბრიტანელ კინოექსპერტებს მასპინძლობს. ბრიტანულმა საკონსულტაციო კომპანია "ბოპ კონსალტინგმა" საქართველოს კინოსექტორის ეკონომიკური რუკის კვლევა დაიწყო.
კინორუკის შედგენა სახელმწიფოს ადგილობრივი კინოსექტორის განვითარებაში დაეხმარება. ბრიტანელი ექსპერტები სხვადასხვა სახელმწიფო უწყების წარმომადგენლებს ხვდებიან.
კვლევა კინოცენტრისა და ბრიტანეთის საბჭოს ფინანსური მხარდაჭერით ჩატარდება. პროექტის პარტნიორია საქართველოს კულტურისა და ძეგლთა დაცვის სამინისტრო.