NDI-ს კვლევის მიხედვით, კითხვაზე, არის თუ არა საქართველოში დემოკრატია, გამოკითხულთა 44 პროცენტმა უპასუხა „არა", ხოლო 39 პროცენტმა - „დიახ". 2010 წლის ივლისში NDI-ის მიერ ჩატარებული კვლევის დროს იგივე კითხვაზე უარყოფითი პასუხი 46 პროცენტმა, ხოლო დადებითი პასუხი - 33 პროცენტმა გასცა.
კვლევა ამა წლის 4-17 მარტის პერიოდში, საქართველოს მასშტაბით 2,893 პირისპირ ინტერვიუს წარმომადგენლობითი შერჩევის საფუძველზე ჩატარდა.
მასში ასახულია, თუ რომელი საკითხებია მოსახლეობისთვის ყველაზე მნიშვნელოვანი, ასევე მოსახლეობის დამოკიდებულება დემოკრატიის, მიმდინარე მოვლენებისა და რეფორმების, სხვადასხვა საგარეო თუ საშინაო პოლიტიკის საკითხების მიმართ.
NDI-ის კვლევებს აფინანსებს შვედეთის განვითარების სააგენტო (Sida) და ატარებს კავკასიის კვლევითი რესურსების ცენტრი (CRRC).