გურჯაანში, დედა და ორი მცირეწლოვანი ბავშვი ბუნებრივი აირით მოიწამლნენ. სასწრაფო სამედიცინო დახმარების ბრიგადამ ისინი გურჯაანის რაიონულ საავადმყოფოში გადაიყვანა. ამჟამად მათ სიცოცხლეს საფრთხე აღარ ემუქრება.
როგორც კახეთის საინფორმაციო ცენტრს გურჯაანის საავადმყოფოს მთავარმა ექიმმა გელა ორველაშვილმა განუცხადა, პაციენტებს ინტოქსიკაციის საწინააღდეგო მკურნალობა ჩაუტარდათ.
წინასწარი ინფორმაციით, ბუნებრივი აირის გაჟონვა წყლის გამაცხელებლიდან მოხდა.