ნიუ იორკში კონტრტერორისტული სწავლება დაიწყო. როგორც ქალაქის პოლიციის დეპარტამენტში აცხადებენ, პოლიციელების გარდა სწავლებაში მონაწილეობას იღებს 70 სხვადასხვა სამსახურის წარმომადგენელი, რომელთაც მეგაპოლისის მოსახლეობის უსაფრთოების დაცვა ევალებათ.
ნიუ იორკის პოლიციის სამმართველოს უფროსის, ლეიმონდ კელის თქმით, ძირითადი აქცენტები სწავლებისას გაკეთდება რადიოაქტიური მასალების გამოვლენასა და შესაძლო ტერორისტების ძებნაზე, რომლებსაც შეუძლიათ „ბინძური" ბომბების აფეთქება.
კელის განმარტებით, პოლიციელები და სხვა სამსახურების წარმომადგენლები სწავლებისას იმუშავებენ გამოცდილი სპეციალისტების მეთვალყურეობით.
„სულ სწავლებისას გამოყენებული იქნება 4,2 ათასი ერთეული სხვადასხვა სახის მოწყობილობა, რომელიც შესაძლებლობას იძლევა გამოვლენილ იქნას რადიაციული დაბინძურება', - განაცხადა ნიუ იორკის პოლიციის შეფმა.
მისივე განცხადებით, ამჟამინდელი სწავლება იქნება 2001 წლის 11 სექტემბრის შემდგომ პერიოდში ჩატარებულ სწავლებებს შორის ყველაზე მასშტაბური.
