არტ-ფოლკ ჯგუფი "კიბატონო" სტუმრებს საათნახევრიან კონცერტს შესთავაზებს. პირველად შესრულდება მუსიკალური ჯგუფის მიერ შექმნილი ახალი კომპოზიცია "საკურა", რომელიც იაპონიაში მომხდარი ტრაგიკული მოვლენების ინსპირაციით შეიქმნა.

მხატვარი ბესა ქართლელიშვილი წარმოადგენს ინსტალაციას "ასაჰი" - ამომავალი მზე. აქციაში მონაწილეობს ორიგამის სკოლაც. წარმოდგენილი იქნება იაპონური ტრადიციული სამზარეულო. მხატვრები სტუმრებს დაახატავენ იაპონურ სიმბოლოებს, "საკურას" ყვავილობის ან მშვიდობის აღმნიშვნელ იეროგლიფებს. არტ-აქციის შესახებ დოკუმენტურ ფილმს გადაიღებენ, რომელიც შემდეგ გავრცელდება იაპონიის მოვლენებთან დაკავშირებულ სპეციალურ ვებგვერდებზე, როგორც სოლიდარობის გზავნილი საქართველოდან.

ღონისძიებას დაესწრება იაპონიის ელჩი მასაიოში კამოჰარა, ასევე სამთავრობო უწყებების, დიპლომატიური და საერთაშორისო ორგანიზაციების წარმომადგენლები.

აქციის მხარდამჭერები არიან Europe House, Holiday Inn, Yves Delorme, "ფოტო სამყარო", "საკე სუში ბარი", Bagebi Group, ADSS Print, Fiori, Sky Express, საინფორმაციო მხადაჭერები კი არიან "ინტერპრესნიუსი", "ფოკუსი", "რადიოქალაქი", "ჯორჯია თუდეი", "Tbilisi OUT".

აქცია იმართება იაპონიაში "საკურას" ყვავილობის კვირეულის (27 მარტი - 7 აპრილი) პარალელურად.