აფხაზეთის ე.წ. მეცნიერებათა აკადემიის სოხუმის ექსპერიმენტული პათოლოგიისა და თერაპიის ინსტიტუტმა მიიღო მიწვევა, მონაწილეობა მიიღოს პროექტში "მარსი-500", რომელსაც რუსეთის მეცნიერებათა აკადემიის სამედიცინო-ბიოლოგიური ინსტიტუტი "როსკოსმოსის" ეგიდით ახორციელებს.
"შესაძლოა, ამ უნიკალურ პროექტში მონაწილეობა სოხუმის მაიმუნთსაშენის მაიმუნებმაც მიიღონ. ჩვენი ინსტიტუტისთვის ეს ძალიან საინტერესო და პერსპექტიული წინადადებაა", _ განაცხადა სოხუმის მაიმუნთსაშენის დირექტორმა ზურაბ მიქვაბიამ.
მისი თქმით, სოხუმში კავკასიის ერთიანობის ესტაფეტის ფარგლებში, რომელიც იური გაგარინის გაფრენის 50 წლისთავს ეძღვნება, კოსმონავტები მაგომედ ტილბოვი და მიხეილ კორნიენკო და "როსკოსმოსის" წარმომადგენლები იმყოფებიან.
