როგორც დასავლური მედიასაშუალებები იუწყებიან, იაპონიაში, ფუკუსიმას ატომური ელექტროსადგურიდან ოკეანეში ჩაღვრილი დაბინძურებული წყლის რადიაცია დასაშვებ ნორმას მილიონჯერ აღემატება. დღეს გავრცელდა ინფორმაცია, რომ მაღალი რადიაცია თევზებზედაც დაფიქსირდა. თუმცა, იაპონიის მთავრობის წარმომადგენლები ამბობენ, რომ რეაქტორზე რადიაციის დონე შემცირდა.
სპეციალისტებისათვის ჯერჯერობით უცნობია, რა გზით მიმდინარეობს წყლის ზღვაში ჩაღვრა, რადგანაც ისინი ვერ პოულობენ ადგილს, საიდანაც წყალი ჩაედინება.
ფუნდამენტში არსებულ ბზარს ამ დრომდე ავსებენ ნახერხითა და გაზეთების ნაგლეჯებით: ქაღალდსა და ნახერხს ერთმანეტში ურევენ სპეციალურ პოლიმერთან ერთად.
ხელისუფლება იმედოვნებს, რომ ეს ნაწილობრივ მაინც გადაარჩენს წყნარ ოკეანეს მასში რადიოაქტიური წყლის მოხვედრისგან. ბზარის ბეტონით ამოვსების მცდელობა, რომელიც სპეციალისტებმა ადრე განახორციელეს უშედეგოდ დამთავრდა.
იაპონელი ჩინოვნინების შეფასებით, გაგრილების სისტემის აღდგენისთვის რამდენიმე თვეა საჭირო და მას შემდეგ რაც, მდგომარეობა ოდნავ მაინც იქნება სტაბილიზებული, ავარიის სრულ აღმოფხვრას რამდენიმე წელი დასჭირდება.
