კომპანია "ნატახტარი" ლუდის მოყვარულებს სასიამოვნო სიახლეს სთავაზობს - "უფრო ბევრი ლუდი მეგობრებისთვის". საცალო ქსელში "ნატახტარის" ლუდი 2,5-ლიტრიანი შეფუთვით დღეიდან გამოჩნდა.
მენეჯმენტის განცხადებით, ახალი ლუდის ფასი სხვა შეფუთვებთან შედარებით 10%-ით იაფია და 5,20 ლარს შეადგენს.
"ჩვენი სლოგანია "ნატახტარი მეგობრებთან ერთად...", ამიტომ გადავწყვიტეთ მომხმარებლისთვის მეტი კომფორტი შეგვექმნა და მათთვის უფრო დიდი მოცულობის შეფუთვა შეგვეთავაზებინა", - განმარტავს ლუდსახარში "ნატახტარის" ლუდის მთავარი ტექნოლოგი ტომას შვინდი.
"ნატახტარი" წლის ბოლომდე ბაზრის წილის 62-იდან 70%-მდე გაზრდას გეგმავს. ამისთვის კი კომპანია დამატებით 17 მილიონის ინვესტიციას განახორციელებს.