"ერთიანობა არის მომხიბვლელი, მაგრამ ქართულმა რეალობამ დაგვანახა, რომ კონგლომერატული ერთიანობები ან მალე დაშლადია, ან ანტიეფექტური", - აცხადებს "ჯი-ეიჩ-ენთან" საუბარში "ახალი მემარჯვენეების" ერთ-ერთი ლიდერი მამუკა კაციტაძე ოპოზიციურ ერთიანობასთან დაკავშირებით.
მისი თქმით, კონკრეტული თემებიდან გამომდინარე, კონსულტაციების გამართვა ნებისმიერ საკითხზე შეიძლება.
"ჩვენ მოვახდინეთ დემონსტრირება თემატური ერთობისა ისეთ მნიშვნელოვანი საკითხის ირგვლივ, რასაც საარჩევნო გარემოს შეცვლა ჰქვია. ყველა პრინციპულ საკითხებზე კონსულტაციებისა და თემატური ურთობებისთვის მზად ვართ, მაგრამ უნდა გამოიკვეთოს კონკრეტული თემა, თუ რაზე შეიძლება ვიყოთ თანამოაზრეები ამა თუ იმ პოლიტიკურ ორგანიზაციასთან",_აღნიშნა კაციტაძემ.
მისი თქმით, საყოველთაობის, ყოვლისშემძლეობისა და ყოვლისმომცველობის ამბიცია ან თუნდაც ოცნება, თანამედროვე ქართულ პოლიტიკაში წარმატებით ვერ მთავრდება. ამას განვლილი პრაქტიკა ადასტურებს. შედეგის მისაღწევად მხოლოდ ოცნება საკმარისი არ არის.
