ინვესტორებთან მორიგ შეხვედრას ფინანსთა მინისტრი კახა ბაინდურაშვილი გერმანიაში, ქალაქ ფრანკფურტში მართავს. ფინანსთა სამინისტროს ინფორმაციით, მინისტრი გააკეთებს სპეციალურ პრეზენტაციას ქვეყანაში საინვესტიციო შესაძლებლობებისა და მიმდინარე ეკონომიკური რეფორმების შესახებ.
ანალოგიური შეხვედრები ინვესტორებთან ფინანსთა მინისტრმა უკვე გამართა ამერიკის შეერთხებულ შტატებში, ინდოეთში, დიდ ბრიტანეთში. ბრიუსელში ევროკომისიის წარმომადგენლებთან მან განიხილა საქართველო-ევროკომისიის თანამშრომლობის საკითხები და სამომავლო დახმარების შესაძლებლობები.