პრეზიდენტის პრესსპიკერ მანანა მანჯგალაძის განცხადებით, საფუძვლიანი ეჭვი არსებობს, იმისა რომ ქუთაისში დაგეგმილი ტერაქტები რუსეთის სპეცსამსახურების მიერ იყო ორგანიზებული.
"როგორც პრეზიდენტმა აღნიშნა ეს იყო ტერორისტული შეტევა მშვიდობიან ობიექტებზე, რომელიც ჩვენი სამართალდამცველების მიერ იქნა აღკვეთილი და პრეზიდენტის სახელით მინდა მათ მადლობა გადავუხადო. კვალს მივყავართ რუსეთის მიერ კონტროლორებად ტერიტორიაზე - აფხაზეთში. საფუძვლიანი ეჭვი გვაქვს, რომ ტერაქტები რუსეთის სპეცსამსახურების მიერ იყო ორგანიზებული", - განაცხადა მანჯგალაძემ.
მანჯგალაძის თქმით, ქართულმა მხარემ ჟენევის მოლაპარაკებების დროს რუსეთს ტერაქტების სერიის ერთობლივი გამოძიება შესთავაზა და ეს შეთავაზება კიდევ ძალაშია, თუმცა ისინი ამ შეთავაზებაზე უარს ამბობენ.
შეგახსენებთ, რომ რამდენიმე დღის წინ ქუთაისის მერიასა და იუსტიციის სახლთან ტერორისტული აქტის მოწყობა იგეგმებოდა, რომელიც სამართალდამცველებმა განხორციელებამდე აღკვეთეს.
