შიდსით გარდაცვალების კიდევ ერთი შემთხვევა დაფიქსირდა. აივ ინფექციით შუახნის მამაკაცი გარდაიცვალა. დაღუპვის მიზეზი დაგვიანებული მკურნალობაა.
აივ ინფექციის მატარებელმა მამაკაცმა ექიმს დაავადების ბოლო სტადიაზე მიმართა, რის გამოც პაციენტის გადარჩენა ვეღარ შეძლეს. ყველაზე ხშირად სწორედ დაგვიანებული დიაგნოსტიკა ხდება ლეტალური შედეგის მიზეზი.
გასულ წელს შიდსით დაავადების სულ 101 შემთხვევა დაფიქსირდა, წლევანდელმა მაჩვენებელმა კი 106-ს მიაღწია. მიმდინარე წლის განმავლობაში 32 აივ ინფექციით დაინფიცირებული პაციენტი გარდაიცვალა.
ვირუსის პრევენციის მიზნით, რისკჯგუფებს უფასო გამოკვლევა და მკურნალობა ჩაუტარდებათ, მოქალაქეებში ცნობიერების ამაღლების მიზნით კი, შიდსის ცენტრი გაიდლაინებს დაარიგებს.