ხვალ, 5 აპრილს სასტუმრო "ბათუმის შერატონში" ინვესტორთა დაჯილდოების ცერემონია გაიმართება.
აჭარის ფინანსთა და ეკონომიკის სამინისტრომ და საერთაშორისო ინვესტორთა ასოციაციამ 2010 წლის საუკეთესო და ინვესტორები გამოავლინა.
უკვე ცნობილია, რომ "2010 წლის საუკეთესო ინვესტორი კომპანიის" ნომინაციაში "ბათუმის შერატონის" მფლობელმა, თურქულმა კომპანია "ნუროლ ჯორჯიამ" გაიმარჯვა.
"2010 წლის ყველაზე მსხვილი დამსაქმებელი კომპანიის" ჯილდო კი სამკერვალო საწარმო "ბათუმიტექსს" ერგო.
"საუკეთესო ინოვაციური კომპანიად" თურქული კომპანია ICON Group-ია დასახელებული, რომელიც ბოსტნეულით რეგიონის ძირითადი მომარაგებელია.
"2010 წლის საუკეთესო ექსპორტიორი კომპანია" "Stararge" გახდა.
აჭარის ფინანსთა და ეკონომიკის სამინისტროში განმარტავენ, რომ ბიზნესის წახალისების მიზნით მსგავსი ტიპის ღონისძიებები მომავალშიც გაიმართება.
