საპარტნიორო ფონდი პრეზიდენტის წინაშე იქნება ანგარიშვალდებული. როგორც მთავრობის საპარლამენტო მდივანმა გია ხუროშვილმა აღნიშნა, აღნიშნულთან დაკავშირებით დეპუტატები და მთავრობა შეთანხმდნენ, რადგან პროექტის პირვანდელი ვარიანტით, ფონდი ანგარიშვალდებული მთავრობასთან უნდა ყოფილიყო, რასაც დეპუტატები არასამართლიანდა მიჩნევდნენ.
ხუროშვილის თქმით, მიღწეული შეთანხმებით საპარტნიორო ფონდის მიერ განხორციელებული პროექტის დასრულების ერთი თვის ვადაში, ფონდის სამეთვალყურეო საბჭო, რომელიც მინისტრთა კაბინეტისგან შედგება პრეზიდენტს სპეციალურ ფინანსურ ანგარიშს წარუდგენს. სამეთვალყურეო საბჭო ვალდებული იქნება პრეზიდენტს მოთხოვნის შემთხვევაში, მსგავსი ანგარიში, ნებისმიერ დროს წარუდგინოს.
კანონპროექტში ჩაიწერება, რომ ფონდიდან გარკვეული თანხის ხარჯვაზე კონტროლს კონტროლის პალატა განახორციელებს. კერძოდ, საუბარია სახელმწიფოს წილობრივი საწარმოს დივიდენდებიდან მიღებულ და პრივატიზების შედეგად მიღებული თანხების ფონდის მიერ ხარჯვაზე.
"საპარტნიორო ფონდის" შესახებ კანონპროექტს პარლამენტი პირველი მოსმენით 8 აპრილის პლენარულ სხდომაზე განიხილავს.
