არამიანცის კომპლექსში შემავალი, "თბილისის ენდოკრინოლოგიური ცენტრის" მფლობელი ფიზიკური პირი, მანანა გაბისონია გახდა. მანანა გაბისონიამ კლინიკა ელექტრონულ აუქციონზე, 210 ათას ლარად იყიდა.
საავადმყოფოს საწყისი ღირებულება კი 190 ათას ლარს შეადგენდა და ობიექტის საწესდებო კაპიტალი 189352 ლარით იყო განსაზღვრული.
"თბილისის ენდოკრინოლოგიურ ცენტრს" 5642.64 ლარის დებიტორული და 3511.85 ლარის კრედიტორული დავალიანება გააჩნია.
აღსანიშნავია, რომ ეკონომიკისა და მდგრადი განვითარების სამინისტრომ ე. წ. არამიანცის კომპლექსში შემავალი 15 საავადმყოფო უკვე გაასხვისა.