ცაგარეის მაჟორიტარი დეპუტატი კარლო კოპალიანი ქვეყანაში რეალურად სოფლის მეურნეობის სფეროს განვითარებას ითხოვს და არა ბაყაყების მოშენებას. ამის შესახებ კოპალიანმა დღეს, პარლამენტის რიგგარეშე პოლენარულ სხდომაზე სამთავრობო დებატების დროს განაცხადა.
დეპუტატმა პრეზიდენტ სააკაშვილს მოუწოდა, რომ კარგი იქნება თუ მიიღებს გადაწყვეტილებას მთავრობის გადაყენების და ახალ მთავრობას პარლამენტს პროფესიონალიზმის ნიშნით დაკომპლექტებულს წარმოადგენს და არა პარტიული ნიშნით.
"თუკი გასულ კვირაში პარლამენტში გამართულ სამთავრობო დებატებს შედეგი არ მოჰყვება, ქართველებს ღმერთის წყევლა აგვხდენია და სხვადასხვა ენაზე ავულაპარაკებივართ. თუკი ყურადღება მიექცევა სოფლის მეურნეობის განვითარებას და არა ბაყაყების მოშენებას, თუკი მთავრობა მოახდენს ფასების კორექტირებას, მთიანი სოფლების შეინარჩუნებს, მოსახლეობის დასაქმებაზე ზრუნვას, მონოპოლიებისგან ქვეყნის გათავისუფლებას, სიტყვისა და პრესის თავისუფლებას, დევნილთა მდგომარეობის გაუმჯობესებას, სასამართლოს წნეხისგან გათავისუფლებას", - აღნიშნა კოპალიანმა.
დეპუტატმა ასევე მოითხოვა, პედაგოგებს მიეცეთ ღირსეული ანაზაღურება, მოისპობა ელიტარული კორუფცია და უღირსოებისთვის 50 ათასიანი პრემიების დარიგება.
"თუ სპორტი გათავისუფლდება პარტიული დიქტატისგან, თუკი გათავისუფლდებიან პოლიტიკური და უკანონო პატიმრები.. მაშინ უნდა ითქვას, რომ ერთ კვირიანი პოლიტიკური დებატები იყო შედეგიანი, თუ არადა ქართველებს ღმერთის წყევლა აგვხდენია და სხვადასხვა ენაზე ავილაპარაკებივართ", - დასძინა ცაგარეის მაჟორიტარმა დეპუტატმა.
