თბილისის საქალაქო სასამართლომ ექს-პრემიერის, ზურაბ ნოღაიდელის წინააღმდეგ ყოფილი თანაგუდელების სარჩელი დააკმაყოფილა. გადაწყვეტილების თანახმად, ახალი პარტიის ბალანსზე არსებული ქონება მის ძველ პარტიას მოძრაობა "სამართლიანი საქართველოსთვის" მიეკუთვნა.
პარტიის წევრთა განცხადებით, ნოღაიდელს ჩამოერთმევა 23 ათასი ლარის ღირებულების კომპიუტერული ტექნიკა, ასევე ატრიბუტიკა და ბეჭდები.
სამართლიანი საქართველოს ახალი თავმჯდომარე ნოღაიდელის წინააღმდეგ სახელფასო დავალიანების დაფარვის მოთხოვნით საქალაქო სასამართლოში ახალი სარჩელის შეტანასაც გეგმავს.
დავა კვლავ მიმდინარეობს იმ ფინანსურ გადარიცხვასთან დაკავშირებით, რომლის თანახმად ნოღაიდელმა პარტიის კუთვნილი 32 ათასი ლარი ნოღაიდელმა საკუთარ საადვოკატო ბიუროში გადარიცხა.
როგორც პარტია "სამართლიანი საქართველოსთვის" თავმჯდომარე სერგო ჯავახაძე აცხადებს, მოსამართლე ქოჩლაშვილმა სრულად დააკმაყოფილა მათი მოთხოვნა ქონებრივ დავასთან დაკავშირებით.
ამასთან, ჯავახაძის თქმით, უნდა გაირკვეს, რა მიზნობრიობით გადარიცხა ნოღაიდელმა პარტიის კუთვნილი თანხა პირად კომპანიაში.