ბოლომდე, ქვეყნის მასშტაბით ძროხების ხელოვნური დათესვლის 11 ცენტრი გაიხსნება. როგორც სააგენტო "ჯი-ეიჩ-ენთან" საუბრისას, სანაშენე საქმისა და საქონლის ხელოვნური განაყოფიერების ცენტრის "კავკასიის გენეტიკას" ხელმძღვანელმა, გიორგი ხატიაშვილმა განაცხადა, ერთ კვირაში ხელოვნური დათესვლის ცენტრი სენაკში გაიხსნება, ხოლო აპრილში ქვემო ქართლის რეგიონში, კერძოდ კი თეთრიწყაროს, დმანისისა და წალკას რაიონებში, 6 ხელოვნური დათესვლის ცენტრის გახსნაა დაგეგმილი. ხატიაშვილი აცხადებს, რომ მაისში 4 ანალოგიური ცენტრი ახმეტის რაონშიც გაიხსნება და ფერმერს საშუალება მიეცემა მაღალხარისხიანი პირუტყვი აწარმოოს.
ხატიაშვილის თქმით, ხელოვნური დათესვლის ცენტრები რეგიონში ნაწილობრივ დონორების დაფინანსებით იხსნება და ერთი ცენტრს მშენებლობისათვის 3 ათასი დოლარია საჭირო.
ერთი ძროხის ხელოვნური განაყოფიერება ფერმერს 30 ლარი დაუჯდება.
"კავკასიის გენეტიკას" ხელმძღვანელი ამბობს, რომ ძროხების ხელოვნურ განაყოფიერებაზე მზარდი მოთხოვნა არ არის, რასაც გიორგი ხატიაშვილი რეგიონებში ინფორმაციის სიმწირეს უკავშირებს. ხატიაშვილი ამბობს, რომ ამ მიმართულებით კომპანიას, მარკეტინგული კამპანიის გააქტიურებაც აქვს გადაწყვეტილი, თუმც ეს არ იქნება სატელევიზიო რეკლამა, რადგანაც ასეთი ტიპის რეკლამა კომპანიას საკმაოდ ძვირი უჯდება.
"ხელოვნურ დათესვლაზე მოთხოვნა ძალიან დაბალია, რაც მთლიანი სულადობის 5 %-ს შეადგენს"- აცხადებს გიორგი ხატიაშვილი.
მისივე თქმით, საქართველოში ფერმერულ და შინა მეურნეობებში დაახლოებით 700 ათასი ძროხაა.
გიორგი ხატიაშვილი აცხადებს, რომ ხელოვნური დათესვლისას გამოიყენება როგორც ადგილობრივი ასევე იმპორტირებული მასალაც. მისივე თქმით, ადგილზე წარმოდგენილი 5 სახეობის სათესლე მასალიდან ფერმერები უპირატესობას მაინც "შვიცის" ჯიშს ანიჭებენ. ერთი ძროხის განაყოფიერებისათვის საჭირო მასალის იმპორტი კომპანიას დაახლოებით 10 ლარი, ხოლო ადგილზე წარმოებული 3 ლარი უჯდება.
"კავკასიის გენეტიკას" ხელმძღვანელი აცხადებს, რომ ბაზარზე არსებული მოთხოვნილებიდან გამომდინარე, წარმოებაში ადგილობრივი და იმპორტირებული სათესლე მასალის გამოყენების წილობრივი მონაცემებია 50/50 %-ია. ძროხის ხელოვნური დათესვლისათვის საჭირო პროდუქციის იმპორტი ძირითადად აშშ-დან, ბელგიიდან და შვეიცარიიდან ხდება.