უკრაინაში რუსულ გაზზე ფასის გაზრდას ელიან. ქვეყნის ეროვნული ბანკის პროგნოზით, 2011 წლის ბოლომდე რუსული გაზის ფასი ათას კუბ/მ-ზე 263,1 დოლარიდან 333 დოლარს მიაღწევს.
ორ ქვეყანას შორის გაფორმებული 10 წლიანი ხელშეკრულების საფუძველზე, სახელშეკრულებო ფასის გადახედვა ხდება ყოველ კვარტლში, ნავთის კალათის ღირებულების მიხედვით.
ბანკის პროგნოზით, მეორე კვარტალში გაზის ფასი 284 დოლარამდე გაიზრდება, ხოლო მესამე კვარტალში 314 დოლარამდე. თუმცა არსებობს მოსაზრება, რომ 2011 წლის მეოთხე კვარტლის ბოლოს, უკრაინაში რუსული გაზის ფასმა შესაძლოა 347 დოლარსაც მიაღწიოს.