ბიზნესომბუდსმენი კერძო სექტორის წარმომადგენლებთან შეხვედრას განაგრძობს. გიორგი პერტაია ამერიკის სავაჭრო პალატის წევრების შემდეგ, საქართველოს ტურიზმის ასოციაციის წევრებს შეხვდა და ტურიზმის სფეროში არსებული პრობლემები მოისმინა. ბიზნესს პრობლემა ისევ საგადასახადო კოდექსთან მიმართებაში აქვს. ბიზნესომბუდსმენი ბიზენსის პრობლემებს მოისმენს, შეაგროვებს და ამის შემდეგ შესაბამის ქმედებებსაც მიმართავს.
"მნიშვნელოვანია, რომ საშუალო და წვრილი ბიზნესის წარმომადგენლებს ვხვდები. მსხვილ ბიზნესთან ურთიერთობა უფრო მარტივია, თუმცა მცირე ბიზნესთან დაკავშირებით პრობლემები არსებობს. მინდა მოვისმინო მათ პრობლემებს, თუმცა წინასწარ ვიცი, რომ ტურისტულ სექტორს შენიშვნები დღგ-სთან დაკავშირებითაც აქვთ", - განაცხადა პერტაიამ.
"საქართველის ტურიზმის ასოციაციისათვს ბიზნესომბუდსმენთან შესვედრა მნიშვნელოვანია, რადგანაც სექტორს პრობლემები აქვს და არსებობს საკითხები, რომლებზედაც პასუხის მიღება გვინდა. პრობლემები არსებობს, თუნდაც საგადასახადო კოდექსთან მიმართებაში, "- აცხადებს საქართველის ტურიზმის ასოციაციის თავმჯდომარე ნატა კვაჭანტირაძე.
"თრეველ ტურის" დამფუძნებელი სიკო გეგიაძე აცხადებს, რომ ტურისტულ ბიზნესს საგადასახადო კოდესთან დაკავშირებით შენიშვნები ადრეც ჰქონდა და კოდექსის ცალკეული მუხლების გამჭირვალობას ითხოვდა.
"ტურიზმში პრობლემები არის, ისევე, როგორც ბიზნესის სხვა სფეროებში.
საგადასახადო კოდექსთან მიმართებაში ბევრი შენიშვნა გავაგზავნეთ, რათა საგადასახადო კოდექსის სხვადასხვა პუნქტები უფრო გამჭვირვალე გამხდარიყო", - განაცხადა გეგიაძემ.
